دا هغه شعار دی چې د پښتونخوا دبیلابیلوسیمو اوسیدونکوله خوا په پراخو لاریونونو کې ویل کیږي.
په پښتونخوا کې د ناامنیو له زیاتېدو او د پاکستان لخوا د نویو پوځي عملیاتو له منظورۍ وروسته غبرګونونه او نېوکې مخ په ډېریدو دي.
په دې لړ کې نن یکشنبه د پښتونخوا په بېلابېلو لویو او وړو ښارونو کې لاریونونه، اعتراضي ناستې او غونډې شوې دي. تر ټولو لوی ولسي اعتراض د پښتونخوا په لکي مروت ولسوالۍ کې شوی دی.
په دغه لاریون کې د لکي مروت د اوسېدونکو ترڅنګ زرګونو نورو فعالانو او ځینو سیاسي څېرو ګډون کړی وو.
بر لکي مروت سربېره صدې بازار، تور غر، باړې بازار، شمالي وزیرستان، بنو، لولاريي ، چارسدې، کلا سیف الله، بونیر، چمن ، مردان، باجوړ ، ژوب، ټانک او د پښتونخوا په ځينو نورو سیمو کې هملاریونونه ، اعتراضي ناستې او احتجاجونه شوي دي.
د پښتون ژغورنې غورځنګ مشر منظور پښتین تېره ورځ د ټولنیزو رسنیو له لارې پر خلکو غږ کړی و، چې په دغو پلان شویو اعتراضونو کې ګډون وکړي.
ښاغلي پښتین ویلي په پښتون وطن کې د ناامنۍ، ترهګرئ او جنګونو خلاف به خلک هوښیاروي او په وینا یې ولسونه نور په خپلو سیمو کې ډالري جګړې نشي تېرولی.
هغه زیاته کړې د لاریونونو له لارې پښتون وطن کې د برېښنا د ناروا پرچاوۍ او همداراز له افغانستان سره پر ډیورنډ کرښه د تګ راتګ پر لارو د وضع شویو بندیزونو پر ضد به هم غږ پورته کوي.
خو د پاکستان پوځ بیا له دغو مخالفتونو سره سره دغه عملیات د خپل هېواد ثبات لپاره ‘مهم’ بللي دي.
د پاکستان پوځي لوی درستیز جنرال عاصم منير په مشرۍ د پوځ د لوړې کچې مشرانو همدا تېره ورځ په خپله ۲۶۵مه غونډه کې وویل، چې دغه عملیات د هېواد ثبات او اقتصاي ټېکاو لپاره مهم دي.
دشهبار شریف په مشرۍد پاکستان اوسني ملکي حکومت هم دغه عملیات یوه اړتیا بللې.
