ایران ۶۲۰۱کیلو ګرام بډایه شوې یورانیم لري
دغه هیواد به ډیر ژرداټومي وسلې دجوړولو جوګه شي(د اټومي انرژۍ اداره)
د اټومي انرژۍ نړیوالې ادارې په یوه تازه راپور کې ویلي چې ایران د خپلو یورانیمو د غني کولو کچه تر هغه حده لوړه کړې چې په اتومي وسلو کې یې کارولي دي.
راپورکاږي چې ایران لانړیوال مسلکي مفتشین هم نه دي منلي.
د ملګرو ملتونو د اټومي څار ادارې په دې محرم راپور کې،راغلی دي چې ایران اوس مهال ۱۴۲ کیلوګرامه داسی یورانیم لريچې ۶۰سلنه غني شوې ده
غني شوي یورانیم د 60٪ خالصیت سره په یو څو لنډو ګامونو کې په چټکۍ سره د 90٪ پاکوالي سره په یورانیم بدلیدلی شي، کوم چې د اټومي وسلو په تولید کې کارول کیږي.
دغه راپور همداراز زیاتوي چې د ایران د غني شویو یورانیمو ټوله ذخیره اوس مهال له ۶۲۰۱ کیلو ګرامو څخه زیاته ده او دغه اندازه د ایټمي انرجۍ د نړیوالې ادارې د پخواني راپور په پرتله د اسلامي جمهوریت د ټولو یورانیمو په ذخیرې کې ۶۷۵.۸ کیلو ګرامه زیاتوالی ښيي.
ایران ادعا کوي چې اټومي پروګرام یې سوله ییز اهداف لري. خو د اټومي انرژۍ د نړیوالې ادارې مشر رافایل ګروسي خبرداری ورکړی چې ایران د وسلو کچې ته نږدې یورانیم غني کړي، چې که وغواړي “څو اټومي بمونه” جوړولای شي.
ایران تراوسه د اټومي انرژۍ د نړیوالې ادارې د ځینو مفتشانو د لاسرسي او څارنې د محدودولو په اړه خپله پریکړه نه ده بدله کړې. د اټومي انرژۍ نړیوالې ادارې د مفتشینو د څارنې لپاره د اجازې غوښتنه کړې او ویلي یې دي چې له دې پرته د ایران پر څرګندونو باور نه شي کېدای.
