لغمان کې۶تنو ته مرګ ژوبله واوښته

په لغمان کې د دوو قومونو ترمنځ وسله واله نښته کې درې تنه وژل شوي او درې نور ټپيان دي .

په لغمان کې سیمه ییزې سرچینې وايي، په دغه ولایت کې د دوو قومونو ترمنځ په وسله واله نښته کې درې تنه وژل شوي او درې نور ټپیان شوي دي. دسر چینو په وینا دغه پېښه د چنګاښ په ۲مه، نن له غرمې مخکې شاوخوا لس بجې د الیشنګ ولسوالۍ په “مسمت” سیمه کې رامنځته شوې ده.

د دغې پېښې په قربانیانو کې یو ماشوم او یوه ښځه هم شامله ده. د سرچينې د معلوماتو له مخې، دغه شخړه د ځمکې پر سر رامنځته شوې ده.

په همدې حال کې د لغمان د امنيې قوماندانۍ وياند يونس يوسفزى وايي، چې د دې پېښې په تړاو يې ٢٥ کسان نيولي دي.

لغمان دافغانستان په ختیڅه سیمه کې داسی یو ولایت دی چې وخت ناوخت دڅمکې پرسر پکې شخړي او مرګ ژوبله رامنځته کیږي . تیر کال هم په ورته پیښ کې دریو تنو خپل ژوند له لاسه ورکړی و.