دگوزن ضد واکسین دّلِ کولوبیا پیل

ماشومانو ته د ګوزڼ ضد واکسینو د رسولو څلور ورځنی کمپاین بیا پیل شو

روان کمپاین په ترڅ کې ماشومانو ته د پولیو ضد واکسین ورکولو ترڅنګ د ویټامین اې کپسولونه هم ورکول کېږي .

له پولیو پاک افغانستان پروګرام پر خپله اېکس پاڼه له خلکو یې غوښتنه کړې چې له دې فرصته ګټه واخلي او خپل ماشومان نه یوازې د پولیو پرضد واکسین کړي بلکې ویټامین اې هم ورکړي.

دافغانستان د عامې روغتيا وزارت وايي په دې کمپاین کې چې څلور ورځې به دوام وکړي له پنځو کلونو کم عمره لس اعشاریه اووه میلیونه ماشومانو ته واکسین ورکول کېږي.

د عامې روغتیا وزارت ویاند ډاکټر شرافت زمان امرخېل وايي، “له نېکه مرغه په ۲۰۲۴ کال کې په افغانستان کې د پوليو کومه مثبته پېښه نه ده ثبت شوې”. خو په تېر ۲۰۲۳ کال کې د پولیو شپږ مثبتې پېښې ثبتې شوې وي چې ټول یې په ختیځ ننګرهار ولایت کې وې.

چارواکي وايي د پولیو پرضد روان ملي کمپاین په غور، بامیان او دایکنډي کې د وروښتونو او سیلابونو له امله له نورو ولایتونو سره هممهاله نه ترسره کېږي بلکې څو ورځې وروسته به پيل شي.

د طالبانو حکومت کې د عامې روغتیا وزارت پر قومي مخورو، مشرانو، میندو او پلرونو غږ کړی چې له روان کمپاین سره همکاري وکړي او په ترڅ کې یې له پنځو کلونو کم عمره ماشومان د پولیو پرضد واکسین کړي.